CAUAYAN CITY – Timbog sa buy-bust operation ang isang street level individual matapos bentahan ng ilegal na droga ang isang nagpanggap na buyer sa Bonifacio Extension, Brgy. Centro 1, Tuguegarao City, Cagayan.
Kinilala ang suspek bilang si alyas “Jojo”, 38-anyos, may asawa, at isang tennis instructor.
Mula sa kanyang pag-iingat, narekober ng mga awtoridad ang dalawang plastic sachet ng hinihinalang shabu, buy-bust money, isang folded white paper, isang folded tissue, isang cellphone, at isang motorsiklo na walang plaka.
Matapos ang operasyon ay dinala ang suspek sa PDEA Regional OFfice 2 para sa drug testing at laboratory examination habang isinagawa naman sa People’s General Hospital ang kanyang medical Examination bago ito dalhin sa himpilan ng Tuguegarao Component City Police Station.
Mahaharap ang suspek sa paglabag sa RA 9165 o Comprehensive Dangerous Drugs Act of 2002.
