CAUAYAN CITY – NASABAT NG MGA TAUHAN NG 2ND PLATOON, BANNAWAG PATROL BASE NG SANTIAGO CITY MOBILE FORCE COMPANY (SCMFC) ANG DALAWANG TRAK NA KARGADO NG BAMBOO POLES NA WALANG KAUKULANG PERMIT SA ISANG ANTI-CRIMINALITY CHECKPOINT SA SANTIAGO-SAGUDAY ROAD, BARANGAY BANNAWAG NORTE.
PINANGUNAHAN ANG OPERASYON NI POLICE CAPTAIN RONALD P. DIEGO, PLATOON LEADER, SA ILALIM NG SUPERBISYON NI POLICE MAJOR JAYSON M. BALDOS, ACTING FORCE COMMANDER NG SANTIAGO COMMAND MOBILE FORCE COMPANY.
SA ISINAGAWANG INSPEKSYON, NADISKUBRE NA ANG DALAWANG CHENGLONG MINI-FORWARD TRUCKS NA PAREHONG WALANG PLAKA AT MAY CONDUCTION STICKER NUMBERS, AY MAY LAMANG MGA BAMBOO POLES NA WALANG LEGAL DOCUMENTS.
BAWAT TRAK AY KARGADO ANG 500 PIRASO NG BAMBOO POLES NA NAGKAKAHALAGA NG ₱16,666.00.
NAKIPAG-UGNAYAN NAMAN ANG MGA AWTORIDAD SA COMMUNITY ENVIRONMENT AND NATURAL RESOURCES OFFICE (CENRO) SAN ISIDRO, ISABELA PARA SA BERIPIKASYON AT IMBENTARYO NG MGA NASABAT NA PRODUKTO.
ANG MGA INARESTONG INDIBIDWAL AY DINALA SA POLICE STATION 3 PARA SA KAUKULANG DOKUMENTASYON AT PAGSASAMPA NG KASO, HABANG ANG MGA NAKUMPISKANG KAWAYAN AT SASAKYAN AY NASA KUSTODIYA NG 2ND PLATOON CMFC, BANNAWAG PATROL BASE BAGO ITO DALHIN SA DENR SAN ISIDRO PARA SA TAMANG DISPOSISYON.
SAMANTALA, MAHAHARAP ANG MGA SUSPEK SA KASONG PAGLABAG SA PRESIDENTIAL DECREE 705 O ANG REVISED FORESTRY CODE OF THE PHILIPPINES.
