Buslot ang natuo nga batiis sang illegal fisher matapos maluthangan sang mga katapo sang bantay dagat sa kadagatan sang Banate, Iloilo.
Ginkilala ang napilasan nga suspek nga si Rommel Agravante, 42 anyos sang barangay San Salvador, Banate, Iloilo.
Ginpahayag nga nagapangisda illegal gamit ang magamay nga bangka nga mini-super hulbot si Agravante upod sa lima ka iban pa sang makita sila sang bantay dagat.
Bangud sini, nagpalagas pa ang mga ini sa mga pulis kag sang masakote, gintuyo nila nga bungguan ang sakayan sang mga otoridad kabangdanan nga gintiro sila kon sa diin naigo sa natuo nga batiis si Agravante kon sa diin nabuslot gid ang sa idalum nga bahin sang iya tuhod.
samtang naglulumpat naman sa dagat ang iya mga kaupdanan.
