General Santos City–Nabulabog matud pa ang gihimong operasyon batuk sa iligal nga sugal sa PI-16, Brgy City Heights ning syudad gumikan sa pagpaboto ug armas ni PO1 Melvin Lamanero, alas 7 ang takna sa gabii.
Sumala ni spo4 william Canapit, ESPO sa San Isidro Police Station, una silang nakadawat ug report gikan sa mga residente sa lugar apan wala na nila maabtan ang suspetsadong pulis.
Gani bisan ang mga operating team nga anaa usab sa lugar aron magpahigayon ug raid batuk sa sugal miresponde man usab human nabolabog ang operasyon apan wala gihapon madakpan ang suspek.
Sa gihimong pagsusi sa kapulisan sa nahitaboan sa pagpabuto ug pusil ni Po1 Lamanero nakit-an sumala pa ang usa ka 9mm nga pistola, mga buhing bala ug mga empty shell.
Giangkon ni SPO4 william Canapit nga ang maong pusil panag-iya sa Philippine National Police nga giisyu alang sa pagserbisyo ni PO1 Lamanero. Luyo sa gihimong hot pursuit sa kapulisan aron madakpan ang suspetsado, pakyas nila kining makit-an. (Jordan Britos)
