Mikantidad sa 10 mil pesos ang nasakmit nga mga kahoyng Lauan sa gipahigayong anti-illegal logging operation sa Surigao del Sur Police Provincial Office sa Barangay Kinabigtasan, Tago, Surigao del Sur.
Ang operasyun miresulta sa pagka-aresto sa 2 ka mga transporters nga nailang sila Jesrel Grumia, 37, minyo, residente sa Purok Kalipayan 1, Sitio, Cabalawan, Brgy. Anahao Daan, Tago, Surigao del Sur,ug usa ka Anastacio Tagok, 36, maguuma, minyo, ug lumulopyo sa Purok 10, Brgy Tina, San Miguel, Surigao del Sur.
Nakuha sa posisyon sa duruha ang 77 kabuok sa ginabas nga Lawaan nga dunay volume sa 421 board feet nga mikantidad sa Php.8,400 ug 10 kabuok sa Hambabawod lumbers nga mibalor sa Php.1,600.
Ang 2 ka mga suspects ang gikustudiya karun sa Tago Municipal Police Station ug nakatakdang mag-atubang sa kasong kalapsan PD No. 705 kon Forestry Reform Code of the Philippines.
