Tago, Surigao del Sur – Usa ka Anti-illegal Logging Operations ang gipahigayun sa 36IB nga niresulta sa pagkasikop sa mga iligal nga ginabas na kahoy niadtung Nobyembre 16, 2017 alas siete sa takna sa kagabin-on didtu sa Sitio Himat-e, Brgy Cayale sakop sa munisipyo sa Tago probinsya sa Surigao del Sur. Nasayran nga kapin kulang 3,200 brd ft nga iligal na ginabas nga lawaan nga kahoy nga mikabat sa 57,600 pesos ang kantidad ang nasikop sa Bravo Company sa 36IB nga nakabase sa Dreamland Patrol Base Brgy Alba munisipyo sa Tago niining probinsya. Apan sa pagkakarun, wala pa nailhi kun kinsa ang tag-iya sa mga kahoy ug padayun pa ang pag-imbestiga sa DENR ug PNP. Gikasa ang maong operasyun base sa usa ka impormasyon gikan sa nagpakabana nga lumulupyo sa maong sityo nga naay ubay-ubay nga iligal nga ginabas na kahoy sa ilahang lugar. Diha –diha dayun, gipatrolan kini sa kasundaluhan ang maong sityu arun maberipika ang taho ug sa pag-abot didtu napamatooran nga naay ginabas na kahoy. Gireport kini dayun sa kapulisan sa Tago Municipal Police Station ug sa CENRO Lianga. Dayun sa alas otso sa takna sa kabuntagun, Nobyembre 17, 2017, niabot ang CENRO Lianga sa maong sityo nga gipanguluhan ni Mr Edgar Oncoy, Team Leader sa CENRO Lianga nga nakabase sa Tago, arun ma-turn over ang mga iligal nga ginabas nga kahoy ug mahatagan ug saktong disposisyon. Nasayran usab na kining mga kahoy matud sa impormasyon nga naa na sa maong sityo kagahapun pa sa buntag ug gaipreper na kini nga ibyahe ug gihulat na lamang ang usa ka wing van nga maoy mukarga paingun sa wala pa nabal-ing lokasyon. Matud ni Lieutenant Colonel Xerxes A Trinidad, ang Batalyun Kumander sa 36th Infantry (Valor) Battalion, “unang una, gapasalamat kami ug dako sa nagpakabana nga residente sa sitio himat-e nga nihatag ug impormasyon. Kini nagpamatood nga dako ang papel sa katawhan arun mahunong na kining iligal na pagputol sa kahoy ilabina sa mga ilaya. Kami sa kasundaluhan partikular ang inyung 36IB sa Surigao del Sur, sukad pa sa una, aktibo ug andam kanunay nga misuporta sa DENR ug PNP sa hugot nga pagpatuman sa kampanya batok sa iligal nga pamutol ug kahoy. Usa kini nga mandato sa kasundaluhan isip deputized sa DENR arun mahimung parte sa military operations base sa Executive Order No 23 o Creation of Anti-Illegal Logging Task Force.” “Kami mugarantiya sa katahwan nga ipahugot pa namu ang pagpatuman sa pagsikop ug kampanya batok sa mga illegal loggers ug akung giawhag ang katwhan nga magtinabangay kita ining kampanya batok sa iligal nga pamutol ug kahoy. Kun naa pa kaninyu nga gikonsidera nga panginabuhi ang iligal nga pamutol ug kahoy ginagmay man kini o dinagko, palihug nga mubiya namu ana ug mangita namug laing panginabuhi. Daghan programa sa gobyerno arun mahatagan mug pagtagad ug magiyahan mo sa alternatitbong panginabuhi nga patas ug dili makalapas ug balaod. Andam kami, inyung 36IB, nga mupasilitar sa tanan nga muhangyo kanamu nga igiya sila sa mga lokal o nasyonal na ahensya arun mahatagan ug pagtagad alang sa alternatibong panginabuhi”, dugang pa ni Lt Col. Trinidad. Kontaka Kami sa: 0948-641-6783/ 0917-1466-326 I – Email Kami sa: valor_36@yahoo.com Sent from my Samsung Galaxy smartphone.
