Davao City – Gi-isyuhan karon sa Securities and Exchange Commission (SEC) og cease and desist order ang pipila ka mga online lending companies nga iligal nga naga operate.
Sa impormasyong gipadala sa SEC sa DXDC RMN Davao, gikumpirma niini nga kini nga mga online lending applications mao ang Peso Tree, Pesoalo ug Pinoy Cash Loan nga nagatanyag og loans sa publiko online bisan og walay lisensyang gigunitan.
Segun sa SEC nga subay sa Lending Company Regulation Act, mamahimong makamulta og anaa sa P10,000 hangtud P50,000 o pagkapriso og unom ka bulan hangtud napulo ka tuig ang nahisgutan tungod sa iligal nga operasyon.
Nasayran nga anaa sa kapin 50 ka mga online lending applications ug operators ang gipahunong sa SEC tungod sa iligal nga pag operate.
RadyoMaN Kirby Manzon
