ILLEGAL POSSESSION | Persona nga may yara sang ginasukbit nga armasluthang, dakop sang Pontevedra PNP!

Pontevedra, Capiz- Arestado ang isa ka persona alas 10:20 sang gab-e sa Bailan, Pontevedra, Capiz matapos ini ang nakit-an nga may yara sang ginasukbit nga armasluthang.
Ginkilala ang suspek kay *Antonio Diosaban Jr y Ginco,* 45-anyos ang pang-edaron sang Poblacion Tabuc , Maayon, Capiz kun sa diin nakuha sa iya paghinakop ang isa ka .38 caliber revolver nga may yara sang tatlo ka mga bala nga wala makalupok kag isa ka baseyo.
Antes sini, nagpangayo sang assistance sa mga kapulisan nga naga-duty sa Road Safety Police Assistance Desk (RSPAD) sanday Brgy Kagawad Ian Doletin kag Brgy. Tanod Isidro Olano nga may yara sang isa ka persona nga nagasukbit sang armasluthang.
Sang ini ang ginpangitaan sang papeles nga legal gid man ang paghupot sini, napaslawan nga makapresentar ang amu nga persona kabangdanan nga ini ang gindakop sang mga kapulisan.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments