Roxas City, Capiz – Duha ka mga dump truck drivers ang natigayon nga madakpan sa may bahin sang Brgy. Bolo, Roxas City bangud sa iligal nga pag-transport sang quarry materials nga wala sang nagakaigo nga delivery receipts.
Ginpangunahan ni Engr. Roger de Dios, Regional Director sang Mines and Geosciences Bureau VI, ang enforcement operation kapartner ang Task Force Aksyon Bantay Grabas sa idalom sang Capiz Provincial Environment and Natural Resources Office ukon CapENRO kag si Leodegario Deocampo III nga presidente sang Quarry, Sand and Gravel Permittees Association Inc. of Capiz.
Nahibaloan nga nangin masangkaron ang kampanya sang amo nga talatapan kontra sa illegal quarry bangud man sa nadiskubrehan nga gamay gid lamang nga numero sang mga quarry operators ang nagakuha sang nagakaigo nga governor’s permit para sa legal nga pagpatigayon sang quarry operations.
photo (c) – CapENRO
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
