Illegal recruiter, sikop sa entrapment operation

214

General Santos City—sikop sa gihimong entrapment operation sa Criminal Investigation and Detetion Group Regional Office -12 ang usa ka 42 anyos nga illegal recruiter sulod sa Mandarin restaurant nga nahimutang sa KCC Mall of Gensan, Barangay Lagao ning syudad.

Suspek nailhang si Sandra Berenguel alias Faith Malinao, 42, residenti sa Barangay Cannery Site, Polomolok, South Cotabato.

Alas 3:20 ang takna sa hapon, July 7, 2017 dihang gihimo ang entrapment operation sulod sa maong restaurant human nga mireklamo ang mga biktimang silang si Alias Karen ug alias Jenny ngadto sa CIDG-12 batok sa suspek human kining nagduda nga iligal ang pagpangrecruit sa nahisgutan.


Dihang gidawat na sa suspek ang usa ka libo ka pesos nga marked Money didto na kini gisikop sa miyembro sa CIDG-12 ug gidala sa ilang buhatan.

Subay sa saysay ni Alias Karen nga daghan sila nga girecruit ni Berenguel para mag trabaho sa nasud Japan.
Iyang gisulti nga aduna syay kaila didto sa Japan ug maoy mukuha kanila para magtrabaho sa maong nasud. Isip inisyal nga bayad sa processing sa mga dukumento sila gipangayuan ug P3, 500.00.

Tungod nag duda si Karen, iyang gisultihan si Jenny nga dili lang una muhatag ug kinatibuk-ang P3500.00 inay mubayad lang ug gamay nga kantidad. Didto na nila gipa- entrap sa kapulisan ang maong babaye.



Sa inisyal nga imbistigasyon walay agency ang suspek sa iyang pagpangrecruit sa mga buot mutrabaho sa nasud Japan. Tak-om usab ang baba sa nahisgutang suspek bahin sa aligasyon kaniya.

Kasong Illegal Recruitment ug Large Scale Staffa ang kasong gikatakdang ipasang-at batok sa nahisgutang suspetsado.


Facebook Comments