Gumikan sa iyang hugot nga pagtoo sa potential sa kabatan-onan, gihagit karon ni Ilocos Norte Gov. Imee Marcos ang youth sector nga aktibong mo-partisipar sa kalamboan sa komunidad.
Matud ni Imee Marcos, adunay daghang mga proyektong iyang gipasiugdahan sa iyang probinsiya sama sa Sirib Express, usaka youth-generated organization kansang adbokasiya mao ang volunteerism aron mapadangat ang gitawag nga ‘frontline services’ ngadto sa kabataan.
Nagsugod kini isip usaka ‘roving one stop shop’ diin ang hunta-probinsiyal sa Ilocos Norte gipaniguro gayud ang ‘accessible educational scholarships, employment assistance, guidance counselling’ ingon man seminars ug workshops.
Ang Special Program for the Employment of Students kun SPES usaka ‘employment bridging program’ panahon sa ting-bakasyon or Christmas vacation kansang tumong mao ang pagdugang sa kinitaan sa mga pobre apan deserving students, out-of-school youth or mga dependents sa mga ‘displaced workers.’
Ang mga benepisaryo makadawat sa insurance coverage sulod sa usaka tuig.
Sa pikas bahin, ang Sirib Ilocano Kabataan Association kun SIKA namugna usab pinagi sa Sirib Leadership Camp aron hatagan ug igong boses kun tingog and mga kabatan-onan ilabi na diha sa pagpalig-on sa kalamboan sa rehiyon.
RadyoMaN June Duterte
