Laoag City – Nakipagpaset ti Ilocos Norte ti selebrasyon ti women’s month iti daytoy a tawen.
Ti gender and development office nga idadauluan ni Ms Janet London ti nangiyuna iti programa a pakiramanan dagiti amin a babbai nga empleyada ti gobyerno provincial ken uray kadagiti municipio iti intero nga Ilocos Norte ket adda ti pannakabagida iti parada.
Kas iti dati a maisaysayangkat ket naangay ti lecture kadagiti babbai aglalo kadagiti masikog iti provincial auditorium a nakaipalagipan kadakuada dagiti rumbeng nga aramiden da tapno nasalun-at ti ina ken uray ti anak na.
Adda pay pasalip kadagiti masikog kalpasan ti parada iti sango ti provincial capitol a ti mangabak ket maikkan iti gunguna kas iti libre a panaganak na iti ospital normal wenno ceasarean kasta pay ti crib ken dadduma pay nga usaren ti maysa a maladaga.
Naammoantayo nga uray dagiti pribado nga organisasyon ket nakiramanda iti parada.
Bernard Ver, RMN News
