RMN Laoag – Nakasaganan ti umuna a pannakaisayangkat kadaytoy a tawen ti Peace and Order Council ken Provincial Anti Drug Abuse Council joint meeting kalpasan ti panangipadanun ti imbitasion kadagiti ahensias ti gobierno a makipagpaset ti nasao a taripnong.
Inton March 18 kadaytoy a tawen, aldaw ti Lunes iti mismo a Provincial Auditorium, oras ti ala una ti malem.
Segun ken ni Vice Governor Angelo Marcos Barba, naipanawen unay ti pannakaisayangkat ti kaunaan a taripnong ti PADAC ken PPOC nangruna ket mapaspasanga-sangan ti eleksion.
Nu pay kasta, impatalgedna nga awan met ti rumbeng a pagdanagan gapu ta awan dagiti nakana a reports ti PNP nga adda ti pakainaiganna ti election kadaytoy a 1st quarter ti tawen ngem napintas latta a maamwan ti agdama nga estado ti probinsia pakaseknan ti linak ken talna tapno ammo ti nasken a masaganaan.
Ti INPPO ti nakasagana a mangipresentar ti agdama a linak ken talna ti probinsia pakairamanan kadagiti nagapwananda idinto a ti PDEA ti mangipresentar ti anti drug abuse activities , ken ti DILG ket seknan kadagiti baro a pammilin.
Bernard Ver, RMN News
