Ilocos Norte Police Provincial Office Namandaran nga Mangikkat kadagiti Illegal Campaign Ads

85

RMN Laoag – Madama ti panagsursor ti nailian a pulisya iti Ilocos Norte tapno mangikkat kadagiti illegal posters ken campaign ads.

Indauloan daytoy ni P/Sr.Supt. Ceasar Pasiwen ti panagbaklas kadagiti illegal campaign materials nangnangruna kadagiti government projects iti sadinoman a paset ti probinsya.

Bilin daytoy ti Presidente Rodrigo Duterte ti kapulisan babaen kenni DILG Secretary Eduardo Año ken PNP Chief Director General Oscar David Albayalde tapno saan a magasawgasaw dagiti proyekto ti gobyerno nangnangruna ita a tiempo ti eleksyon.

Basar ti COMELEC Resolution No. 10488 kasapolan a maikkat dagiti pol ads kadagiti government offices, karaman iti billboards nga addaan ti tarpaulin, posters, streamers ken banners.

Iti datus ti PNP Ilocos Norte, awan pay ti nakitada a naglabsing ti nasao a pammilin, ngem, nu adda man makita dagiti umili, umasidegda laeng iti kuerpo ti pulisya iti lugarda.

Bernard Ver, RMN News

Facebook Comments