KAPA gi-reklamo

Davao City – Aduna na usab sumala pay nagpaabot og bag-ong reklamo sa City Mayor’s Office labot sa KAPA (Kabus Padatuon) nga giingong usa ka investment scam.

Kini ang gibutyag ni Davao City Mayor Sara Duterte-Carpio sa pakighinabi sa Davao media kaniya.

“Naa mi bag-ong complaint karon. Nagpadala gyud sya og papers and videos. Donation diay ilang gina-ingon, it’s not an investment. So, amoa syang gi-amplify para mahibalo ang mga tao nga ang KAPA is a non-profit organization and cannot receive money as an investment.” segun niini.


Gibutyag sa alkalade nga sa karon nakipag koordinar na ang City Government of Davao sa Securities and Exchange Commission (SEC) ug uban pang ahensya sa gobyerno sa tukmang aksyon labot sa maong organisasyon.

“I-refer namo sa among anti-scam kung unsay pwede buhaton. And we’ll also refer it to NBI kung unsa ang pwede nilang buhaton.” tataw niini.

Dugang pa sa presidential daughter nga niadto pang March 2017 unang nagpagula ang SEC sa ilang advisory ug gisundan kini niadtong October 2018.

RadyoMaN Kirby Manzon

Facebook Comments