Iloilo city government nag-ako nga wala sang sarang mahimo sa pagdamo sang badjao sa syudad

548

SYUDAD sang Iloilo – Wala sang mahimo ang Iloilo city government sa pagdugok sang badjao diri sa syudad.

Suno kay Executive Assistant to the Mayor Hector Alejano, indi man mapunggan ang mga Badjao nga magkadto diri sa syudad sang Iloilo.


Ini ang paathag ni Alejano matapos magconduct sang operation ang iya opisina sa mga badjao nga nagapakilimos sa mga dalanon sang syudad.

Ginaplano na karon sang syudad nga ipadala sa ila lugar sa Jolo, Sulu ang mga badjao agud indi sila gilayun makabyahe pabalik sa Iloilo.

Ginabanta nga halos 120 ka mga badjao ang ari sa syudad.

Indi man matumod kun bala may nagauyat sa ila nga sindikato nga amo ang nagakuha sang ila mapakilimusan nga kwarta.

Ang natukiban lang sang NBI amo nga may ginapadal-an sila nga lider sang ila tribu sa Jolo.//via Joel Franco reports

Facebook Comments

From Advertisers