i Balita
June 13, 2020
(Photo from web)
ILOILO CITY GOVERNMENT NAGAGASTO SANG MASOBRA SA 1.6 MILLION KADA BULAN PARA SA SWELDO SANG MGA EXECUTIVE ASSISTANTS
Nagagasto ang syudad sang Iloilo sang P1,613,806.00 kada bulan para sa sweldo sang 29 ka executive assistants ni Mayor Jerry Trenas.
Basi sa nakuha nga data sang RMN Research pinakamataas nga sweldo nga ginabaton amo ang P83,406.00 samtang ang pinakanubo naman amo ang P16,758.00 kada bulan.
Indi pa man maathag kun ano ang trabaho sang mga ini apang may ara sa ila nga naassign sa environment, social services, senior citizens, sports kag iban pa pa.
ini nga mga opisina ang may ila na tagsa ka department heads.
Halimbawa diri ang sa social services nga ara sa Gene Garingagalao apang ara man bilang EA si Mr. Fred Villanueva nga retired head sang CSWDO.
Ang Iloilo City Sports and Development Office nga karon ginauyatan ni EA for Sports and Youth Rudiver Jungco samtang ang head nga si Jojo Castro subong assigned sa merkado sa idalum sang Local Economic Enterprise Office (LEEO) kag ang head sang Local Youth and Development Office(LYDO) ara asssigned sa Sangguniang Panglungsod. Subong man may mga EA’s man nga makita nga nagaperform kaangay sang EA for Environment nga si Armando Dayrit, kag TF Morals and Values Formation Head Nestor Canong nga nagasweldo lang sang P36,942 kag P 27,755.00 .
Ining duha ang nagabaton sang mas manubo nga sweldo kun ipaanggid sa nagauyat sang posisyon ngsa Executive Assistant V kag City Government Asst. Department Head 2 nga may sweldo nga P83,406.00.
Sining karon lang gin-announce ni Trenas ang pagbuhin sang inadlaw sang trabaho sang mga Jobhires kag pagbuhin sang ila numero bangud sang dako nga kulang sang pondo tuga sang COVID-19 pandemic.
Suno sa impormasyon may manugsulod pa nga tatlo ka Executive assistants nga ang isa defeated councilorables sa idalum sang line up ni Trenas sang nagligad nga eleksyon kag ang duha bag-o lang nagretire nga department heads sang City Government.
by RMN Research
