SYUDAD sang Iloilo – Wala sang nakita nga damage sa structure sang Iloilo city hall sa pag-usisa sang Iloilo city building officials.
Suno kay Engr. Jose Cloyd Grecia, in-charge sang structural section sang city engineers office, wala sila sang nakita bisan crack man lang ukon damage sa ano man nga bahin sang building.
Ginhimo ni Grecia ang pahayag kasunod sang ila pag-inspect sang building matapos gintay-og sang magnitude 4 nga linog ang syudad kahapon sang hapon.
Ginsuspend man ni mayor Jose Espinosa III ang opisina sa city kahapon bangud sang posibilidad sang after shocks.
Pahayag sang alkalde, ang pagsuspend sang opisina nagatuyo man nga masigurado sang mga empliyado ang ila kaluwasan kag sitwasyon sang ila tagsa ka panimalay.
Photo from web
