Iloilo City Police Office, handa na para sa nagahilapit nga Pista Minatay

50

Maga-deploy sang 228 ka police personnel ang Iloilo City Oolice Office ( ICPO) agud magbantay sa mga patyo , terminals kag ports sa syudad sang Iloilo para sa Ligtas Undas 2019 .

Nagapanugyan si ICPO Director Pol. Col. Martin Defensor sa publiko nga siguraduhon nga naka-lock ang balay antes magpadulong sa patyo kag siguraduhon nga wala sang may nakasaksak nga appliances ukon may nabilin nga kandila agud malikawan ang sunog.


Dapat man nga magsuksok sang disente nga bayo kag likawan nga magsuksok sang malahalon nga alahas kon magpadulong sa patyo.

Dugang pa ni Defensor nga dapat likawan sang publiko nga i-post sa social media ang lugar nga ginkadtuan agud indi ma-monitor sang mga may malain nga tuyo kag kawatan nga wala sang tawo sa ila balay.

Facebook Comments