Tinguhaan sang Iloilo Sports Development and Management Office nga mapa-renovate kag mapatahum ang mga comfort rooms sa Iloilo Sports Complex antis ang natalana nga Western Visayas Regional Athletics Association Meet ukon WVRAA sa bulan sang Pebrero.
Ini ang ginpahayag ni Dr. Janelyn Fundal, head sang Iloilo Sports Development and Management Office matapos ginbaton sang probinsya sang Iloilo ang pag-host sang WVRAA subong nga tuig.
Nahibaluan nga ang probinsya sang Capiz amo kuntani ang maga-host sang WVRAA apang indi ini preparado.
Ginpahayag ni Fundal nga ginpondohan niya sang 3.5 million pesos para sa pagpakay-o sang mga C.R. sang Sports Complex agud maakomodar sang maayo ang mga atleta nagikan sa nagkalain-lain nga probinsya sang Western Visayas.
