Iloilo target nga mangin innovation hub pag-abot sang 2030

SYUDAD sang Iloilo – Isa ka pribado nga movement ang nagapasanyog sang innovation sa syudad kag probinsya sang Iloilo.

Kabahin ini sang ila long term plan nga himuon ang syudad bilang innovation hub sa 2030.

Ini ang ginatawag nga Innovate Iloilo nga gin-umpisahan sang Department of Science and Technology (DOST), Global Shapers Iloilo, Iloilo stakeholders kag mga business groups.


Suno kay Rayjand Gellamucho, manager sang West Visayas State University – Green Technology Business Incubator kag curator sang Global Shapers Iloilo, may initiatives ang government agencies kag academic institutions bilang suporta sa movement.

Pahayag ni Gellamucho, gusto nila nga maimpluwensyahan ang mga government agencies, policy makers kag academic institutions agud masuportahan ang ginakabig nga 4th industrial revolution kag maedukar ang mga ini.

Kinahanglan na nga magventure sa internet of things, artificial intelligence kag machine learning.

Kalakip sa target sang movement amo ang innovation nga ma-integrate sa traditional businesses kag agud indi magapabilin ang traditional nga mga negosyo sa ano man ang nakaandan na.

Sa mga interesado nga negosyante mahimo magbisita sa website nga www.innovateiloilo.com agud mahatagan sila sang access sa technological innovations.//via Joel Franco reports

Facebook Comments