ILOILO – Magatiglawas sa Pilipinas sa international event si Paul Guarnes matapos magdaog sa Mr. Universal Ambassador Philippines 2017.
Positibo ang 5’10 kag 21 anyos nga si Guarnes nga makuha ang korona bilang Mister Universal Ambassador 2017 sa coronation night nga hiwaton sa Oktubre 5, 2017 sa Makassar City, Indonesia.
Si Guarnes tumandok snag Pavia kag gradwado sang BS Marine Transportation.
Nagalaom ini nga pinaagi sa iya nadag-an nga titulo, mabuligan sini ang Iloilo nga liwat nga matinluan ang pangalan matapos ginbansagan nga bedrock of drugs kag most shabulized city sang presidente.
Nagapati si Guarnes nga sa pihak sang mga ginahaboy nga kontrobersiya sa syudad angot sa iligal nga droga, padayon nga naga-uswag ang ekonomiya sang Iloilo kag pamatuod diri ang mga ginapatukod nga mga mata-as nga buildings, mga nagasulod nga mga negosyo kag iban pa.
