Padayun nga detained si Rhea Donna Bayona Boyce, 38 anyos, co owner sang Peya Travel Agency matapos na involve ang kumpanya sa ” Christmas Flight Fiasco ” sang na-stranded ang subra 200 ka OFWs nga pasahero sa HK Airport sang Disyembre 17.
Gin arestar si Donna kahapon sang udto, Disyembre 25 sa iya flat sa Wanchai kag gindala sa Worldwide Office matapos naglab-ot na sa ginabulubanta 645 ka mga reklamo ang nabaton sang HK police.
Ginabulubanta man nga naglab ut sa HK$ 2 million ang involve nga cash sa kontrobersiya.
Ginbalibaran nga i-check in sang pila ka airlines ang pasahero sang Peya Travel sang Disyembre 17 bangud sa invalid ukon bogus nga bookings , wala nabayaran sa airlines ang tickets kag ang iban kanselado na ini.
Base sa mga naka witness sang pag search sa opisina sang Peya Travel,naglab-ot sa 2 ka oras ang pag halughog sang mga police antis gindala si Donna sa naga hulat nga patrol car nga nakasuksok sang mask kag may tabon nga pink shawl ang guya sini.
Kilala sa Filipino community diri sa HK si Donna sa nickname nga ” YanYan ” , isa ka generous nga Ilongga kag palaisipan pa asta subong ang rason sang kontrobersiya.
Una na nga ginsuspende ang lisensiya sang Peya Travel matapos nagdugok sang nagligad nga semana ang mga akig nga kliyente sa ila opisina nga naga demand sang refund.
Nahibaluan man nga nagpadulong sa police station sang Disyembre 21 ang isa ka 67 anyos nga Chinese businessman agud mag reklamo batuk sa Peya Travel.
Ginpahayag sini nga halin sang Mayo sini nga tuig ,nag lab-ot na sa HK$3million ang utang nga tickets sang Peya Travel sa iya kumpanya.
Gin-imbitar na sa police station sang Sabado Disyembre 23 si Donna kaupod ang iya abogado apang nagpamalibad ini nga sabtun ang mga pamangkot sa iya .
Sa interview sang The Sun sang sabado sang gab e, ginapamilit ni Donna nga wala sang malisya sang pagpanunto nga natabo apang padayun nga wala gina klaro ang tuod nga rason.
Nag offer man ini sang refund kag compensation sa mga apektado nga costumers.
Gintinguhaan pa ni Donna nga remedyuhan ang problema sang mga pasahero paagi sa pagbakal sang 100 ka tickets sa una nga nagreklamo apang wala gid niya gin-antisipar ang madamo pa nga apektado.
Gin-dugukan sang puro akig nga kliyente ang opisina sang Peya Travel sang Disyembre 18 apang wala na nagpakita pa si Donna.
Nag-isahanon nga gin atubang ni sir Arnold Grospe, sales director sang kumpanya ang mga kliyente nga naga pangayo sang refund apang gin-updan man ini sang mga police sang Disyembre 19 agud kuhaan sang statement kag gin release manmatapos ang 5 ka oras.
Sang Disyembre 24,masubra na 600 ka complainants ang nabatun sang opisina ni Assistance To National officer Danny Baldon.
Bilang sabat sa reklamo sang mga apektado nga pasahero,nagpanawagan man si Presidente Duterte sa mga airlines nga buligan kag papulion ang tanan nga na stranded.
Una nga nag offer ang Cathay Pacific sang discounts sa mga OFWs nga stranded para makapauli sa Pilipinas.
Nag offer man sang 50 ka free airtickets ang Cebu Pacific sa mga apektado nga OFWs sa first come first serve basis.
Samtang, nagpadala man ang Philippine Air Lines sang dako nga aircraft sa HK agud makasakay sa ila Disyembre 22 kg 23 nga flight ang mga apektado pa nga pasahero.
Gin pangunahan man ni Labor Attache Jalilo dela Torre sang Disyembre 25 ang send off sa mga naka avail sang libre nga tickets halin sa gobyerno kag sa Cebu Pacific agud makaupod ang ila pamilya sa pag selebrar sang paskwa sa Pilipinas.
– report sang isa ka Hong Kong correspondent
ctto
