Report ni: Tita Jen Palomo Debaja
Gin presentar sa hearing sang Enero 2, 2018 ang Ilongga nga na aresto sa isa ka drugbust operation diri sa Hong Kong .
Ginkilala natun ang Ilongga kay alyas Marlyn sang San Enrique Iloilo, 33 anyos, balo , kg masubra na 4 ka tuig nga naga ubra bilang domestic helper sa Hong Kong.
Sa madumduman ,antis ginpatigayon ang drugbust sang Nobyembre 16, 2017, una nga nadakpan sa HK International Airport ang 24 anyos nga turista halin sa Tanzania.
Sa pag pangusisa sa turista, nakit an ang 1.8 kilos nga cocaine sa false compartment sang maleta sini. Gina patihan nga may street value ang druga nga HK$1.8million Hong Kong Dollars.
Sa interogasyon sang airport police gintuad sang Tanzanian tourist nga isa ka pinay ang “reciever ”sang nasambit nga druga. Gin patigayun ang entrapment operation kg dakup si alyas Marlyn sa isa ka hotel sa Tai Kok Tsui,Kowloon.
Sa panaysayon sang tiya ni alyas Marlyn sang iya ini ginbisita sa prisuhan, naka desisyon na ini nga mag plead guilty apang wala na ginsaysay pa ang detalye kaangut sa pag aresto sa iya.
Gina patihan nga isa sa gina tul id ang kaundan sang mga conversation sa cellphone ni alyas Marlyn nga nakumpiskar sang kapulisan kon bala may kahilabtanan ini o wala sa tuyo nga pag smuggle sang cocaine sa HK.
Sa karun , padayun nga detained si Alyas Marlyn sa Tailam Correctional for Women samtang nagahulat sang masunod nga hearing.
Sa edalum sang Dangerous Drugs Ordinance sa HK ,naga pangatubang sang maximum penalty nga 5million HK Dollars kg Life imprisonment ang sin o man nga mapamatud an guilty sa drug trafficking.
