Report ni: Jennifer Palomo Debaja
Matapos ang masobra 2 ka bulan nga pagsuprer sang depresyon ni Cherilyn Cahilig Edil, 24 anyos kag residente sang Brgy. Gibato, Dumarao Capiz, nakabaton sang update ang iya pamilya nga makapauli na ini subong nga adlaw sa Iloilo.
Sa sulat nga gin palab-ot sang POLO ~OWWA Abu Dhabi sa OFW’s Assistance Advocate Group, naka butang ang skedyul sang flight ni Cherilyn pauli sa Manila kag subong man ang connecting flight sini pa Iloilo via Philippine Airlines.
Samtang, sa interview sang RMN Iloilo sa iloy ni Cherilyn, masinulub-on sini nga ginsaysay ang pag kabalaka sa sitwasyon sang iya bugtong nga anak nga babaye.
Suno sa iloy sini, nagtinguha man kontani nga maglakat ang iya anak sa abroad agud makabulig sa ila pagpangabuhi ilabi nga nagtaliwan na ang iya amay.
