Report ni: Jennifer Palomo Debaja
Ginpamatbatan sang siyam ka bulan nga pagkapriso ang isa ka Ilongga matapos nag plead guilty sa pag overstay sang 17 ka tuig sa Hong Kong.
Tungod sa gina batyag nga pagsuka sang dugo, boluntaryo nga nag surrender si Delia, 64 anyos sang Maasin, Iloilo sa Immigration Department apang gin advice sang officer nga magpa check up sa ospital kag magbalik kon okay na ang iya kahimtangan.
Gin diagnosed ini nga may lung problem kag nagasuka na sang dugo gani gin admit siya sang 1 ka semana sa ospital.
Apisar madugay ang pag overstay ni Delia, gin consider sang korte ang voluntary sini nga pagsurrender gani imbis nga 18 ka bulan ini nga mapriso ginhimu nalang nga 12 ka bulan. Dugang pa gid, ginbasehan sang korte ang iya ginabatyag kag ang pag plead guilty sini gani ginpanubuan pa gid sa siyam ka bulan.
Tuig 1990 sang nag ubra si Delia bilang domestic helper sa Hong Kong. Natapos sini ang onse ka tuig nga pag ubra sang legal kag sang naterminate tuig 2001 asta nagsurender nagadepende nalang ini sa part time job para may ipadala sa iya kabataan. Sa maayo nga palad, isa sa mga anak ni Delia ang nagatudlo na subong sa isa ka kilala nga unibersidad sa Iloilo.
Samtang gin pasiguro naman sang Correctional Services Department sang HK nga iga provide sa Ilongga ang necessary kag appropriate medical services nga kinahanglan sini.
