Nagahilibion ang utod nhi Genesis “Tisoy” Argoncillo nga nagapanaysayon sa RMN Iloilo angot sa pagka-aresto kay Tisoy tubtob na preso kag napatay.
Sa onse ka mag-ululutod, ika-9 si Tisoy kag tumandok gid sang Barangay Bagongon, Concepcion, Iloilo.
Suno sa utod sini nga si Marilou, may quota ang mga pulis sa Quezon nga makadakop sang 10 ka tambay sa isa ka adlaw kag sang amo nga tion, 7 pa lang ang ila nadakpan gani ginkuha nila si Tisoy.
Ginpamilit ni Marilou nga indi adik ang iya utod kag wala sang rason ang pulis agud arestuhon ini.
“Indi adik ang kapatid ko. Ako ang nakaka-alam kon ano ang gawain ng kapatid ko.”
Suno sa iya indi niya mabatas nga makita ang iya utod nga madamo ang lagob kag bali ang gusok bangod sa pagpangkastigo.
Sa resulta sang autopsy sa bangkay ni Tisoy nagaggwa nga ginkastigo ini baliskad sa pahayag sang pulis sa diin ginapanginwala nila nga ginsakit si Tisoy sa presuhan.
Sa resulta sang autopsy, ang “immediate cause” ni Tisoy amo ang “multiple blunt force trauma” sa iya nga “head, neck, chest, and upper extremities.”
Photo via Rappler
