Ilonggo nga si P/LTGen Camilo Cascolan ginakonsiderar bilang masunod nga PNP chief

14148

Anum ka bulan antes ang retirement ni P/Gen. Oscar Albayalde, Philippine National Police (PNP) chief, ginbuyagyag sini ang mga personalidad sa hanay sang kapulisan nga may potensyal nga magbulos sa iya sa pwesto.

Suno kay Albayalde, igarekomendar niya kay Presidente Rodrigo Duterte sanday: P/LTGen. Archie Gamboa, deputy chief for operations; P/LTGen Camilo Cascolan, directorial staff chief; kag P/MGen. Guillermo Eleazar, Metro Manila director.

Ginbasehan ni Albayalde ang seniority kag performance sang mga nasambit nga opisyal sang pulis.

“Kasi sila naman ang medyo senior at sila ang next in line besides of course kay General Eleazar who is Class ’87. Pero doon sa performance naman niya I think he will do good also the same as the other two, General Cascolan and General Gamboa,” ang pahayag ni PNP Chief Albayalde.

Si Gamboa kag Cascolan ang classmate ukon ‘mistah’ni former PNP Chief kag karun senator-elect Ronald Dela Rosa kag ni PNP Chief Oscar Albayalde sa Philippine Military Academy. Ini sila ang kabahin sang Sinagtala Class of 1986.

Samtang si Eleazar naman ang miembro sang Hinirang Class of 1987.

Facebook Comments

From Advertisers