Iloy aksidente nga natiro sang Brgy. Kapitan sa Lake Sebu, South Cotabato.

Aksidente nga natiruhan sang brgy. Kapitan ang isa ka iloy sa Sitio Sepaka, Barangay Tasiman, Lake Sebu, South Cotabato alas 5:30 sang Oktubre 13, 2020.
Sa imbestigasyon ang grupo ni Brgy Captain Rudy Tomas may pagtililipon ukon may party sa bahin sang Sepaka River Resort sa nasambit nga lugar sa pihak suno pa nga ginadumilian base naman sa South Cotabato Executive order No. 57 tungod sa paandam sang COVID-19.
Apang tungod sa sobra nga kahulugbon may-yara sang wala pag-intiendihanay nga nagluntad sa tunga sang mga kaupdanan sang kapitan.
May-angot sini, nagkuha si Brgy. Captain Tomas sang armas luthang sa iya nga barangay vehicle kag nagwarning shot sa wala nahibaluan nga direksyon, apang aksidente nga naigo ang biktima nga si Gina Blakang Blunto sa wala nga idalom nga bahin sang iya nga nga guya, samtang nagapabreastfeed sang iya nga bata.
Gilayon naman nga gindala sa Lake Sebu Health Complex ang biktima, apang ginrefer man ini sa South Cotabato Provincial Hospital para sa dugang nga medikasyon.
Gilayon naman nga nagpalagyo ang suspek sa wala nahibaluan nga direksyon sakay sa iya kaugalingon nga salakyan.
Narekober naman sa crime scene ang tatlo ka empty shells sang kalibre 45 nga armas luthang.
Sa subong ginapreparar na ang nagakaigo nga kaso nga ipasaka batok sa kapitan.

Facebook Comments