Gibalhin na ngadto sa Cebu City Medical Center ang imahen ni Senior Sto Niño aron maduaw usab niini ang mga pasyente sa maong tambalanan.
Ang imahen sa Sto Nino gikan pa sa Vicente Sotto Memorial Medical Center (VSMMC) sukad niadtong Dominggo ug karon lang hapon gibalhin sa CCMC , aron moistar usab usab kini ug tulo ka adlaw sa maong ospital .
Ang chairman sa executive committee alang sa Sinulog 2018 nga si Konsehal Dave Tumulak namahayag nga tuyo niini nga makahalad sa ilang pag-ampo ang mga pasyente ug ang ilang mga tagtungod ug di na kini mistil pang moduaw sa Basilica del Sto. Niño.
Suroyon sa imahen ang lain –laing ward sa mga pasyente samtang naa kini sa maong tambalanan.
Sa sunod buwan , mga bilangguan na usab dinhi sa dakbayan sa Sugbu ang duawon sa imahen sa Sr. Sto. Nino.
Ang rector sa Basilica nga si Father Pacifico Jun Nohara Jr. nibutyag nga kini ang labing unang higayon nga gibuhat sa imahen sa Senior Sto. Nino ang pagsuroy sa mga tambalanan.
