Ginalauman nga magahulag na sa Kamara ang imbestigasyon natuhoy sa ginapahayag pagpangastigo, pagsipa, pagdupla kag pagtaya sang pusil ni Congressman Richard Garin kag sang amay sini nga si Guimbal Mayor Oscar Garin kay PO3 Federico Macaya sadtong Disyembre 26.
Ginpahayag ni Pangasinan Congressman Leopoldo Bataoil nga gin-refer na sa House Ethics committee ang iya privilege speech sa plenary session sang nakaligad nga adlaw kon sa diin nagtambung ang 800 ka mga pulis bilang suporta kag PO3 Macaya.
Sa iya speech, ginpamilit ni Bataoil sa kaupod nga mga mamalidha nga ang tanan nga tawo ang alalangay sa atubang sang kasuguan kabangdanan nagakaangay lamang nga indi sila mag-asta nga pinakamataas kag pinaka-poderoso.
Facebook Comments
