Davao City – Mas gipalapdan ang gilusad nga imbestigasyon sa kapolisan sa Sta Ana sa kalabutan sa pagpatay sa asawa nailang Flanar Samson human gisulod sa iyang balay sa wa mailhing suspek ug napalgan na lang sa mga silingan nga naligo na sa iyang kaugalingong dugo.
Sumala sa report gikan sa Presinto Uno nga usa sa prime suspek ang bana sa biktima nailang Cielito Samson apan subay sa gihimong imbestigasyon miingon ang bana nga wala kini kasayuran sa panghitabo gumikan milakaw siya niadtong panahona una pa man nahitabo ang krimen hinungdan nga gibuhian kagahapon.
Sa gihimong interview sa DXDC RMN Davao sa usa ka silingan sa biktima miingon kini nga adunay laing suspek nga lalaki kinsa gitago sa pangalang alyas Em nga silingan ra usab sa biktima kinsa gituohang maoy mipatay human gisulti sa asawa niini ug giangkon sa iyang bana nga maoy naghimo sa krimen una paman nahitabo ang pagpatay sa biktima niadtong adlaw Domingo sa gabie diin ang suspek nag-inum pa niadtong tungora.
Gawas niini, giangkon usab sa asawa sa suspek nga siya ang mipatay sa biktima human gisumbong sa iyang bana ang iyang binuhatan.
Sa pagkakaron gawasnon pa ang suspek human misibat kagahapon sa buntag samtang ang kapolisan sa Sta. Ana naglusad na og manhunt operation aron masikop ang suspek.
RadyoMan Don Pulayao
