Sa interview sa DXDC RMN Davao kang Police Major Ranel Marquizo, Officer-In-Charge sa Maco Municipal Police Station, iyang giila ang biktima nga si Dr. Carl Panganoron, tag-iya sa Wrestlemind Review Center ug head sa Criminal Justice Department sa Mati Polytechnic College Inc. (MPCI).
Ginasubay pa usab karon sa kapulisan ang kamatuoran sa report nga giingong gitulis ang biktima.
“Nakita ang gi-abandon nga sakyanan tapos nag-conduct ta’g ocular investigation. Identified yung victim at identified yung sakyanan nga walay nigamit og force or intimidation relative sa allegation. Human milakaw ra sya og iyaha,” saysay ni Marquizo.
Sa interview usab sa DXDC RMN Davao kang PLtCol. Jeffrey Latayada, Chief of Police sa Tagum City Police Station, lakip sila sa naglusad og imbestigasyon, diin wala nila nakita nga haom ang dagan sa narekober sa ebidensya itandi sa pamahayag sa kampo sa biktima.
“Ongoing pa man gud amo investigation ani kay lahi man ang story sa recovered evidence nato gud versus revelations nila,” segun ni Latayada.
Una nang nanawagan ang management sa eskwelahan asa kini nagtrabaho kalabot sa pagka-missing sa doktor ug nagpasalamat usab kini human nga nakaplagang luwas ra ang biktima.
“Praise God! We are relieved to announce that Dr. Carlito Panganoron has been found and is safe. We extend our heartfelt thanks to everyone who contributed to the search and provided support during this time. Your efforts have been invaluable. Thank you for your concern and assistance,” ang pamahayag sa MPCI management sa ilang Facebook page.
RadyoMaN Kirby Manzon
