Davao City – Gikasa na sa PNP Davao City Internal Affairs Service (IAS) ang motu proprio investigation sa nahitabong hostage drama sa Woodridge Subdivision human nga napusilan patay ang suspek.
Sa interbyu sa DXDC RMN Davao kang Supt. Amy Fiel sa CIAS nga nagpadala na sila og sulat ngadto sa Talomo PNP sa mga gikinahanglang mga dokumentos atol sa nahitabong insidente.
Gipasalig sa IAS nga mamahimo silang patas ug ilang imbestigahan og maayo kung naa bay sayop o wala ang mga operatiba nga nihimo sa operasyon.
“Imbestigahan talaga namin kung paano nila kinonduct iyong operation. Kung may lapses doon wala tayong magawa kailangang harapin nila ang mga appropriate charges against them,” sumala ni Fiel.
Giawhag ni Fiel ang pamilya sa suspek nga si Harland Garvida nga muduol sa IAS subay sa ilang mulo nga ‘overkilled’ ang ilang kabanay atol insidente.
Samtang gibarugan ni DCPO chief P/Sr. Supt. Alexander Tagum nga nisubay ang SWAT team sa police standard operational procedure.
Matud ni Tagum nga taas ang nahimong tolerance sa mga awtoridad apan nabutang na sa peligro ang usa sa mga sakop sa SWAT nga si PO3 Junrell Tan human nga gidunggab kini sa suspetsado hinungdan nga niaksyon na ang mga kaubanan niini.
“Gituman gyod sa SWAT ang police operational procedure kay at the last point nga ginaatiki na ang ilang kauban nga at the point na exposed na siya sa danger nga posibleng mamatay na siya that’s the time nga nagpabuto sila para ma-stop lang si Mr. Garvida,” matud ni Tagum.
Gipadangat ni Tagum ang ilang pahisubo ngadto sa pamilyang Garvida ug abli usab ang DCPO sa plano sa pamilya nga pagpasang-at og kaso.
“Kung sa tan-aw nila na-agrabyado sila then we welcome nga mag-file sila og case then tubagon namo na siya in a proper forum,” sumala ni Tagum.
RadyoMaN Aimee Guinita
