Ipadayun pa gihapon ni Lanao del Sur 2nd District Cong. Mauyag Papandayan, Jr. ang imbestigasyon sa kongreso kabahin sa nahitabong pag-atake sa Marawi City niadtong nakalabay’ng tuig. Kini aron masayran kung sa unsa nga paagi nakasulod ug nakahatag og kagubot ang teroristang ISIS, ilabina sa Marawi City nga giilang Islamic City, ug makapangitag pamaagi nga dili na kini mausab. Sa laing resolusyon, gipa -imbestigahan usab ni Papandayan ang kakulangon, matud pa, sa intelligence gathering sa Philippine National Police nga maoy hinungdan nga nahitabo ang Marawi siege.
Matud pa ni Papandayan, iyaha nang gibutyag kaniadto nga duna nay nakasulod nga ISIS, ilabina sa iyang lungsod sa Tubaran, Lanao del Sur, apan walay mitoo kaniya hangtud nga nakapatay na ang grupo.
Tungod niini, gipangayo ni Papandayan nga mahatagan sila og kahigayonan nga makagunit og armas aron makatabang sa militar kun ugaling adunay mo- atake pag- usab ngadto kanila.
Una nang namahayag si Col. Romeo Brawner, Jr., deputy commander ng Joint Task Force Ranao, nga dakung hulga pa gihapon sa seguridad ang Maute-ISIS, dili lamang sa Lanao del Sur ug sa Marawi City, apan lakip na sa tibook Pilipinas, tungod kay buhi pa si Owayda Benito Marohomsar alyas Abu Dar, nga kauban sa pagplano kaniadto aron atakehon ang Marawi City.
| | Virus-free. www.avast.com |
