General Santos City—human sa nahitabong pagbusikad sa eksplosibo gawas nga bahin sa usa ka imnanan sa national Highway, Barangay Calumpang niadtong Domingo sa gabie, gipatawag kagahapong adlawa ni Police Sr. Supt. Romeo Ruel Berango si Police Sr. Inspector Dominador Soliva, Oic Chief Of Police Sa Police Station 5.
Kini aron sayron kung unsay lakang nga gihimo sa mga nahisgutan human sa insidenti. Nasayran nga angol sa pagbusikad silang si Alvin Gonato, 25 anyos, traysikel drayber, residenti sa PI-3, barangay Dadiangas North, Joenie Penuela Jr . 30 anyos, residenti sa Purok San Lorenzo Ruiz, Barangay Apopong, Mervin Cabangan, 18 anyos, residente sa Barangay Fatima ug Ajirol Maslet, 25 anyos, residenti sa Purok Banisil Barangay Tambler.
Gimanduan ni Col. Berango si Soliva nga palawman ang imbistigasyon aron masuta ang motibo ug mailhan ang suspetsadong responsabli sa pagpabuto ug eksplosibo sa lugar.
Nasayran nga usa sa mga gidudahan sa kapulisan nga responsabli sa paglabay ug eksplusibo sa lugar mao ang mga miyembro sa Chrildren in Conflict with the Law (CICL) o mas nailhan sa tawag nga “Batang Sukarap”.
