Maga umpisa eon sa Lunes Hulyo 10, 2017 rong implementasyon it Drivers Accreditation ID iya sa banwa it Kalibo.
Suno kay Mr. Artemio Arrieta Jr., Administrative Officer IV it LGU-Kalibo ag incharge sa nasambitan nga implementasyon hay ro pag implementar kara hay sandig man sa Municipal Ordinance 2013-11.
Dugang na kara nga una nga nakaangkon it soft implementation raya nga ordinansa ko 2013 ag may mga series man eon it seminar rong ginpatigayon sa mga drivers ag operators.
Ro nasambit nga mga ID hay makita ra sa prente it mga tricycle kon sa siin una man makita ro tanan nga detalye parte sa driver, tricycle ag operator nga naga registered man sa data base it LGU-Kalibo.
Sa pag-umpisa ko implementasyon sa lunes magapangdakop eon ro mga taga Kalibo PNP ag Kalibo Auxiliary Police (KAP) kon sa siin sa kada madakpan ro mga naga bayolar hay may pinalidad nga P1,000 sa operator ag P500 sa driver.
TAGS DYKR KALIBO LGU-KALIBO ARTEMIO ARRIETA DRIVERS KALIBO PNP
