Office of the Ombudsman nagpatigayon it Business Forum sa Boracay

150

KALIBO, AKLAN — Naga kasari-sari nga problema sa isla it Boracay ro ging istoryahan sa ging himo ko Lunes nga β€œBoracay Business Forum” it Office of the Ombudsman.
Raya hay matapos nga tumiyabaw ay nagpangayo it bulig ro mga stakeholders sa Investment Ombudsman dahil ngani sa problema makaron it isla pag-abot sa turismo, serbisyo it gobyerno ag eabi eon gid ro isyu sa environment sa isla nga naga lala eon sa makaron.
Do forum hay nag-himo it tatlong cluster kung sa siin ging pangunahan daya nanday Mayor Cawaling kaibahan do BFI ag PCCI, Malay Administrator Ed Sancho ag Executive Assistant IV Rowen Aguirre.
Sa tatlong ka forum nga gina eakipan it mga nasambit nga pangaean naghimo sanda it diskusyon kaangot sa infrastructure it isla environment ag ro problema sa Akelco eabi eon gid ro drainage ag sewerage kaibahan eon do pagbuoe it naga kasari-sari nga permit sa LGU ag ro permit to transport.
Suno kay over-all Deputy Ombudsman Melchor Arthur Carandang, do dayang forum sa isla hay para masayran kung ano ro mga problema makaron sa Boracay ag kung paano daya masalbar sa bulig it tanan.
Samtang presente man sa nasambit nga forum ro naga kasari-sari nga government agencies nga may kaangtanan sa pag-preserba ko isla it Boracay.
TAGS DYKR KALIBO BFI PCCI MALAY CAWALING OMBUDSMAN BUSINESS FUROM

Facebook Comments