General Santos City— Gipaklaro Ni Gensan City Mayor Ronnel Rivera nga ang pagpatuman sa curfew hours sa dakbayan sa Gensan ang parte sa components sa alert level 4.
Lakip matud pa sa components sa alert level 4 mao ang No Id, No Entry pagpahgayon ug hugot nga checkpoint ingon man surprise inspection.
Kung asa gipaklaro ni Mayor Rivera nga ang pagpatuman ug curfew sa dakbayan ang nagkinahanglan pa ug mas lalom sa hisgutanan gumikan aduna usab mga establishsmento ang kinahanglan ma-exempt hilabina ang mga may negosyo sa gabii.
Pagpaklaro niini nga sa karon, ilaha unang ginapatuman sa dakbayan ang maximum tolerance sa curfew hours kung asa tanang madakpan o marescue panahon sa curfew hours ang pangayuan lang ug valid id ug higayon nga mapamatud-an nga taga Gensan lang, papaulion ra gilayon.
Apan kung wala matud pay mapakita nga unsa mang dokumento sama sa i.d, kinahanglan gyud nga kini imbestigahan.
Samtang giangkon ni Police Senior Superintendent Raul Supiter, City Director sa Gensan City Police Office nga kung mamahimo lang nga i-detain sa prisuhan ang tanang madakpan sa curfew hours iyaha kining himuon.
Apan basi matud pa sa direktiba sa lokal nga panggamhan tanang madakpan ang i-lista lang ug papaulion hilabina kung adunay mapakitang mga valid id.
Alang kaniya, dili gyud matawag nga curfew ang maong implemtasyon kundili pagpahigayon lang ug sita gumikan dili pa ingon ka istrikto ang implementasyon.
