Mapasalamaton si Philippine National Police (PNP) Chief Police General Guillermo Lorenzo Eleazar sa mga kapulisan sa Malaybalay City sa pagtuman ug hapsay nga pag-implementar sa Intensified Cleanliness Policy sa PNP.
Kini atol sa iyang pagbisita sa buhatan sa Malaybalay City Police Station adtong milabayng Sabado.
Gikomendaran ni Gen. Eleazar ang mga kapulisan sa Malaybalay nga gipangunahan ni PLTCOL. Ritchie Anoy Salva sa malampusong pagpatuman sa maong balaod.
Gilusad ni PNP Chief Eleazar ang Intensified Cleanliness Policy aron nga maaghat ang mga katawhan nga mudangop sa mga buhatan sa polisya sa pagreport og mga reklamo, insidente ug uban pa.
Sigon ni Eleazar nga importante kaayo nga hinlo ug hapsay ang mga buhatan sa polisya kay aron nga makuha ang respito ug pagsalig sa katawhan.
Sa pikas nga bahin, mibisita usab si Gen. Eleazar sa Bukidnon Police Provincial office diin gipasidunggan ang pipila ka mga personahe niini ug miuna sa pagturn-over sa mga kagamitan ug sakyanan gikan sa lokal nga pangagamhanan sa Bukidnon.
