Nasayrang gideklara ni Presidente Rodrigo Roa Duterte pinaagi sa Proclamation No. 124 niadtong 2017, ang bulan sa Enero matag tuig isip National Bible Month ug pag-culminate sa katapusang semana isip National Bible Week.
Ang Resolution No. 02098-21 Series of 2021 o “Giving Importance to the Word of God during the National Bible Celebration and during Mass Gathering of the Dabawenyos” nagpahinumdom niini.
Samtang, ang proklamasyon ni Presidente Duterte nagdeklara nga ang 1987 Constitution nag-awhag sa gobyerno sa pagsuporta sa maong mga aktibidad aron nga mas mapakusgan pa ang ethical ug spiritual values ug pag-develop sa moral character sa mga Pilipino.
Gipahinumdum usab sa presidente sa katawhan ang dakong importansya sa Bibliya sa nasud ug sa katawhan pinaagi sa pagbasa ug pagtuon niini.
“History bears witness to the profound impact of the Bible on the life of the nations, and to how it has moved and inspired many people, including statesmen and social reformers, to work for the betterment of their fellow human beings even at great cost to themselves,” matud sa pamuno nasud.
Kahinumduman, gilagdaan usab sa presidente ang Republic Act No. 11163 nga nagdeklara sa katapusang Lunes sa Enero matag tuig isip special working holiday, pag-obserba sa National Bible Day.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
