Un improvised explosive device el laman del sako que ya deha abandonao enantes madrogada na custao del mabuhay trading na ciudad de Isabela Provincia de Basilan.
Na post blast imbestigacion del policia y militar ta aparece que ied el laman del sako lleno de gulay.
El discubrimiento del IED ya bene despues durante el paneling que ta conduci el maga soldao na mencionao lugar pasada alas tres del aga.
Donde el K9 sniffing dog ya atraka conel sako color asul ya deha abandonao y ya uli este donde ya dale mira el pero positibo reaction.
Asegun conel militar entalcaso ya puede rebenta el explosiva aquel hora bien grande destroso el ocuri na lugar, posible puede bungka el establisimiento de negosyo donde ya pone mismo el bomba.
Ta precura pa tambien recubri el militar si cosa cosa el contenido el explosiva que ya destrosa usando el water disruptor enantes madrogada.
Ya puede privini rebenta el explosiva despues puede ensigidas destrosa , si porque apelo del policia y militar con el publico amo para reporta ensigidas si tiene sila ta puede mira maga suspechoso persona o bagahe areredor .
