Pagpurga Sa Mga Bata Sa Misamis Oriental Ug Cagayan De Oro City, Nagmalampuson

21

Malampusong gipahigayon kagahapong adlawa sa 23 ka munisipyo ug duha ka syudad sa Misamis Oriental, ang deworming ngadto sa mga kabataan sa elementarya. Kini ang gipahibalo ni Dra. Eillen Santua, ang Misamis Oriental Development Management Officer sa Capitolyo Probinsyal.

Gibutyag ni Dra. Santua nga basi sa iyang gihuptang listahan, nga ang Salay ug Magsaysay, Misamis Oriental na lamang sa 23 ka mga lungsod ang wala pa nakahatag sa ilang partial report kalabot na sa ilang gihimong deworming. Dugang pa sa maong doktora nga basi sa ilang partial nga listahan, nga mikabat sa 925 ka mga tunghaan sa tibuok Misamis Oriental ang misalmot sa pagpurga sa mga estudyante, apan aduna pay uban ang wala mihatag kanila sa lista.

Tungod niini, mikabat sa 58,393 ka mga bata na ang ilang napurga gikan sa total illegible population nga 88,917. Matud ni Dra. Santua nga sa wala pa gihimo ang deworming adunay gipahigayong feeding activity. Gawas niini, hugot usab nga gi-supervize ang mga kabataan sa ilang mga magtutudlo sa matag tunghaan sa lungsod, aron masayran kon unsa ang ilang gipangkaon ug  paghatag pagpasabot sa mga ginikanan.

Facebook Comments