Davao City – Giuyonan sa usa ka barangay captain dinhi sa syudad sa Davao ang bahad nga kasuhan ang mga opisyal sa barangay kung dili aktibo ang Barangay Anti-Drug Abuse Council (BADAC).
Kini ang reaksyon ni Brgy. Captain Levi Fortuna sa Lubogan Toril atol sa interbyu sa DXDC RMN Davao.
“Tama ra man pud na kay kung dili maglihok ang barangay siguro naay kalambigitan sa droga,” sigun ni Fortuna.
Sa karon, padayon nga gipakusgan sa maong barangay ang BADAC alang sa pagsuporta sa kampanya batok iligal nga droga.
Kahinumduman nga nagbahad ang Department of the Interior and Local Government (DILG), Philippine Drug Enforcement Agency (PDEA) ug Dangerous Drugs Board (DDB) nga pangkasuhan ang mga barangay officials nga dili aktibo ang BADAC.
Ang BADAC mao ang gikonsiderang unang linya sa pagkontra sa iligal nga droga sa komunidad.
RadyoMaN Renz Barbarona
