Samdan sa nagkadaiyang parte sa ilang lawas ang usa ka inahan ug anak human gidunggab-dunggab sa usa ka lalaki nga nisuway sa pag-among-among kanila.
Nahitabo ang insidente sa ilang panimay sa Barangay Campo 7 sa lungsod sa Minglanilla, Sugbu .
Usa ka wa mailhing lalaki ang nisaka sa panimay sa mga biktima nga sila si Natividad Gunong , 48 anyos ug anak niini nga ginganlan ug Christine, 18 anyos ang edad , kay gusto unta silang among-amongan .
Nagtoo ang kapolisan nga ang target gyud sa suspek mao ang anak ,apan nasayop lang kini ug patong ngadto sa inahan .
Kay nakuratan man , nikisi-kisi ang inahan ug nakamata ang iyang anak ug nisinggit ug tabang hinungdan sa pagkabulabog sa suspek .
Aron makaiskapo gidunggab-dunggab sa suspek ang inahan ug anak nga mga biktima hinungdan nga nasamdan kini sa nagkadaiyang bahin sa ilang lawas ug anaa sa tambalanan .
Ang suspek padayong gi-hunting karon sa kapolisan .
