Gipangita na karon sa kapolisan ang usa ka babaye nga gitumbok sa usa ka ginang nga nagkuha sa iyang duha ka semana pa nga masuso nga babaye.
Naghilak nga nangayo ug tabang sa kapolisan sa syudad sa Sugbu si Irene Capuno taga Sityo Ilaya Barangay Ginacot sa syudad sa Danao sa pagkamissing sa iyang anak nga giingong gidala sa usa ka nagpailang Chira Jane Kizon , nga taga Barangay Looc sa Danao City .
Giasoy ni Capuno nga niadtong Pebrero 21 gida siya ni Chira Jane nga manimba sila sa Sto Nino dinhi sa dakbayan sa Sugbu .
Gisuroy pa sila sa usa ka kan-anan sa dalan Colon ug niadto sila sa Cathedral aron mag-C.R.
Apan paggawas ni Capuno sa c.r. nawagtang na si Chira Jane dala ang iyang anak .
Nakuhaan pa ug video si Chira Jane sa CCTV sa Sto. Niño nga nagkugos sa bata.
Subay niini si Irene nagpakitabang sa kapolisan pagpangita ni Chira Jane aron mahibalik ang iyang anak .
