GENERAL SANTOS CITY – Boluntaryo matod pa ang balayrunon sa Parents Teachers Association o PTA og dili mandatory human kini ang gihingusgan ni Gina Uy ang school principal sa P. Kindat Elementary School nahimutang sa Purok 2, Blaan Community Village, Barangay Labangal ning dakbayan.
Kahibaw-an nga nidangop sa RMN og IFM ang inahan nga si Rona Ambalgan, 41-anyos, residente sa Prk. 4 sa maong barangay human ang iyang anak nga lalaki ang gidin-an nga makaenrol pagka-Grade 3 karong school year sa nahisgutang tulonghaan.
Wala matod pa gidawat sa PTA ang bayad sa ginang nga 200 pesos aron makuha ang school card sa iyang anak tungod gipangayoan kinig 500 pesos aron hingpit makatungha ang anak.
Giklaro sad karon ni Principal Uy nga bawal gyud mangulekta ang PTA official sa mga ginikanan nga walay ikabayad gumikan tataw og klaro sa balaod sa DepEd nga libre ang edukasyon sa nasud.
Hinungdan niini gipanawagan niini ang mga ginikanan nga moadto lang sa iyang opisina samtang gikalipay niini ang gihimong aksyon sa sibyahanan human gidangop ang ilang reklamo tungod sa insigidang pagtagad sa sibyahanan sa ilang reklamo sa nasangpit nga eskwelahan.
For more info’s and updates, like and share our official facebook account : www.facebook.com/ifm91.9Gensanofficial/
