GENERAL SANTOS CITY- Nagbuy-od na og naligo pa sa kaugalingong dugo ang inahang biktima sa pagpamusil Myerkules sa buntag takna alas-8:30 sa Purok Green Meadows Extension, Barangay Tambler ning siyudad sa Gensan.
Giila sa imbestigasyon sa Tambler Police Station 5 ang biktima sa pangalang Cykie Acebedo, 38 anyos minyo ug dunay mga anak.
Dugang impormasyon sa kapolisan, gapanglaba matod pa ang biktima sa ilang panimalay dihang miabot ang nakamotorsiklong gunman og dayong pusil ngadto sa biktima.
Gi-ulo pagpusil sa wala mailhing suspek igo sa iyang ulo hinungdan sa iyang kamatayon samtang sibat dayon ang suspek nga nakamotorsiklo.
Nasayran nga ang kapuyo sa biktima nahimong suspetsado sa nahitabong pagpanunggab niaging mga semana na ang nakabalay sa area of responsibility sa Fatima Police Station 7.
Ning higayona padayong nangalap og impormasyon aron idugang sa naunang imbestigasyon ang kapolisan alang sa kasolbaran sa maong kaso.
For more info’s and updates, like and share our official facebook account : www.facebook.com/ifm91.9Gensanofficial/
[image: GINANG GIPUSIL.jpg]
