Dili kombinsido ang inahan ni Christine Lee Silawan nga ang nadakpan nga si Jonas Bueno didto sa Davao City ang nagpatay niini .
Gusto sa inaha ni Christine nga si Lourdes Silawan nga siguradohon sa kapolisan nga saktong suspek ang ilang madakpan .
Si Lourdes giubanan kagahapon ni Public Attorney`s Office chief , Persida Acosta sa buhatan ni Lapulapu City Police Office director,Senior Superintendent Limeul Obon alang sa nagpadayong imbistigasyon sa kaso .
Gitataw ni Colonel Obon nga si Bueno “ person of interest” lang ug dili maoy ilang primary suspect.
Sa pikas bahin si Atty. Acosta nipasalig sa paghatag ug legal assistance sa pamilyang Silawan sa pagpasaka ug kaso batok sa madakpan nga responsabli sa krimen .
Si Bueno nadakpan didto sa Davao City ug siya maoy gitumbok nga nagpatay sa usa ka mag-uuma sa Danao City dinhi sa Sugbu niadtong Enero 11, diin iyang gilaplapan ang nawong sa iyang biktima susama sa nahitabo ni Silawan.
