Inahan sa 8 anyos na bata na naligsan-patay sa Brgy. Sabang, Surigao…

Inahan sa 8 anyos na bata na naligsan-patay sa Brgy. Sabang, Surigao City nagpasalamat Nagpasalamat si Nenita Lisondra, an inahan sa 8 anyos na bata na naligsan-patay sa Brgy. Sabang, Surigao City. Ini human na taglubong an anak na si Hershiey Lisondra ganinang hapon. Sumaya pa niini, grabe nija pagtuwaw ganina sa paglubong gumikan kay maarang an nagpabati sa ila suporta ug pagmahal, pagkahanugon sa kinabuhi ni Hershiey. Dugang pa ni Lisondra hangtud ganina sa paglubong sa ija anak, waya mokontak o mopakita an suspek na si Sanggunian Bayan Member Rolando Madelo nan Tubod, Surigao del Norte. Adisir taglubong an 8 anyos na namatay, isa ka Public Viewing an taghimo sa tag-eskuwelahan niini sa Surigao West Central Elem. School na kon diin nahimong emosyunal isab an mga classmates ug magtutudlo niini.